Zyrtari i PDK-së, Betim Gjoshi ka reaguar ashpër ndaj miratimit të Projektligjit për Rritjen e Pagës Minimale në vend, i cili la jashtë rritjes veteranët e UÇK-së.
Me anë të një postimi në Facebook, Gjoshi ka thënë se sipas tij kryeministri Kurti është bërë bashkë me presidentin serb, Aleksander Vuçiq, kryetarin e Listës Serbe, Goran Rakiq, nënkryetarin e Listës Serbe, Milan Radojiçiq në luftën e tij kundër UÇK-së, shkruan lajmi.net.
“Dikur këtë betejë e bënte si opozitar përmes shpifjeve e thirrjeve “Hashim, shko në Hagë”, e sot si Kryeministër e bënë me vendime qeveritare dhe ligje”, ka shkruajtur ai.
Postimi i plotë:
Albin Kurti është bërë bashkë me Aleksandër Vuçiqin, Goran Rakiqin e Milan Radojçiqin në betejën e tij kundër Ushtrisë Çlirimtare të Kosovës.
Dikur këtë betejë e bënte si opozitar përmes shpifjeve e thirrjeve “Hashim, shko në Hagë”, e sot si Kryeministër e bënë me vendime qeveritare dhe ligje.
Asnjë nga këto nuk është e rastësishme. Nuk është as e rastit që Ministrja e tij e Jashtme, Donika Shëarz, nuk e përmendi askund UÇK-në në Ditën e Çlirimit. Të gjitha këto janë beteja kundër UÇK-së.
