Deputeti i Lidhjes Demokratike të Kosovës, Besian Mustafa, me një postim në rrjetin social ka kritikuar Lëvizjen Vetëvendosje, pasi që sipas tij, ishin pikërisht kjo parti që ish-presidentin Ibrahim Rugova e kishin shpallur bashkëpunëtorë të shtetit serb, ndërsa sot e amnistojnë njeriun e tyre, shkruan Gazeta Metro.
Ai tha se presidentin e ndjerë Rugova e etiketuan me etiketat dhe epitetet më të vrazhda që mund të i bëhen dikujt, dhe këtë e bënin pa kurrfarë argumente.
“E shpallën Rugovën tradhtar, antishqiptar e bashkëpunëtor të Serbisë. Fakte për këtë? As s’ju duheshin, as nuk i donin, as s’i kërkonin. Mjaftonte fjala e tyre, gjykimi i tyre ishte hyjnor, i prerë, përfundimtar”, shkroi Mustafa.
Më tutje deputeti i LDK’së thotë se pikërisht janë kjo parti që kanë etiketuar vrazhdë shumë politikanë të vendit.
“Nuk lanë udhëheqës politik, ministër, deputet, kryetar komune, etj. pa i shpallur hajna, të korruptuar, mashtrues. Fakte? S’ju duheshin. Mjaftonte që këta kishin vendosur dhe pikë. Aktgjykim hyjnor, pa të drejtë sqarimi”, shkroi ai.
Ish-ministri përmendi edhe rastin e fundit ku ambasadori i Kosovës në Kroaci është përfshirë në një skandal financiarë në Slloveni, dhe sipas tij vetëm me një fjalë goje po mbyllet kjo çështje për ta.
“Ambasadori përflitet në Slloveni për transaksione të dyshimta përmes kompanisë së tij energjetike në Mal të Zi, Kosovë, Serbi, Slloveni. E gjitha kjo në kohë krize energjetike në Kosovë. “Ne i besojmë fjalëve të ambasadorit”. Mbyllet tema! Aktgjykim hyjnor”, shkroi deputeti i LDK’së
