Ish-ministri shtetëror gjerman për Europë, Michael Roth, i ka bërë thirrje Bashkimit Europian (BE) që ta mbajë premtimin për liberalizimin e vizave për Kosovën, shkruan Gazeta Metro.
Michael Roth, ka thënë se duhet të rritet besimi në BE i vendeve të Ballkanit Perëndimor dhe se kjo duhet bërë duke liberalizuar vizat për Kosovën dhe të hapen negociatat për anëtarësim për Shqipërinë dhe Maqedoninë e Veriut.
“Shtetet e Ballkanit Perëndimor nuk duhet të ndihen të lëna pas dore. Rusia është gjithashtu duke destabilizuar rajonin. BE-ja duhet t’i mbajë premtimet. Do të nisin bisedimet e anëtarësimit me Shqipërinë dhe Maqedoninë e Veriut dhe do të jepet liberalizimi i vizave për Kosovën”, ka shkruar Roth në Twitter.
Ai po ashtu tha se edhe Ukrainës i duhet shpresa dhe besimi nga BE’ja, duke thënë se Europa Lindore nuk është aneks, por se përket në Europë.
Roth, i cili aktualisht është kryetar i Komisionit për Punë të Jashtme, në vazhdimësi ka folur për interesat e Kosovës sa ishte në pozitën e ministrit, derisa çështjen e liberalizimit të vizave e ka përmendur shpesh në fjalimet e tij.
Ai kishte shërbyer në postin e ministrit shtetëror për Evropën në periudhën 2014-2021, nën Angela Merkelin.
Ndërkaq këtë javë, Parlamenti Evropian ka përsëritur thirrjen për liberalizimin e vizave për Kosovën dhe, në anën tjetër, edhe për normalizimin e raporteve ndërmjet Kosovës dhe Serbisë, në mënyrë që të dyja këto vende të avancojnë drejt Bashkimit Europian.
Es gibt in der EU Zweifel, die müssen offen angesprochen+ausgeräumt werden. Wir brauchen ein Bekenntnis ALLER EU-Mitgliedstaaten zur Erweiterung, dem ambitioniertesten + erfolgreichsten Instrument zur Befriedung, Stabilisierung + Demokratisierung Europas. 3/6????
— Michael Roth MdB ???????? (@MiRo_SPD) April 23, 2022
Në raport përsëritet se Kosova i ka përmbushur të gjitha kriteret për liberalizimin e vizave që në vitin 2018, por akoma nuk është miratuar vendimi për liberalizim vizash. Ndërkaq, i bëhet thirrje Këshillit të BEÇsë që urgjentisht të marrë vendimin për liberalizimin e vizave për qytetarët e Kosovës. /gazetametro.net
