Kampioni olimpik Evgeny Rylov, 25 vjeç, u përjashtua nga garat ndërkombëtare prej “Fina” (Federata Ndërkombëtare e Notit) për një periudhë 9-mujore.
Arsyeja? Ai mori pjesë në ngjarjen e organizuar nga Vladimir Putini, mbajtur në stadiumin “Luzhniki” në Moskë, më 8 mars 2022.
Siç thuhet në faqen e “Fina”, “sportistët dhe zyrtarët rusë e bjellorusë nuk do të ftohen në asnjë event të “Fina”-s deri në fund të vitit 2022”.
Më 18 mars Rylov, fitues i dy medaljeve të arta në Lojërat Olimpike të Tokios, u shfaq para një koncerti në stadiumin “Luzhniki”nën moton "Për një botë pa nazizëm! Për Rusinë! Për presidentin!”
Ai pozoi me shkronjën "Z" në këmishë, e njëjta gjë që përdoret nga tanket e trupave ruse që po pushtojnë Ukrainën.
Më 22 mars, Rylov mbeti pa një marrëveshje sponsorizimi nga një kompani e njohur e veshjeve sportive. Të gjithë ishin të pranishëm në ngjarjen propagandistike: nga presidenti rus te zëdhënësi i Ministrisë së Jashtme ruse, nga drejtuesja e RT, Margarita Simonyan, deri te disa artistë rusë, si dhe disa sportistë, si tri herë kampioni olimpik në vend, Aleksandër Bolshunov, dy herë kampioni olimpik i notit, Evgeny Rylov, dhe gjimnastët ritmikë Dina dhe Arina Averina.
Disa nga sportistët mbanin bluza me shkronjën "Z", e cila u bë simbol i pushtimit rus të Ukrainës. Në të njëjtën kohë, motrat Averina, duke publikuar pamje të ngjarjes, kanë retushuar “Z” duke përdorur Photoshop, sipas disa mediave.
???????????? ???????? ?? ???????? ??????? ?????? ?????????? ?? ????????????? ???????????? ?? ??????? ? ???????? «Za ??????» https://t.co/oq7XOL3YpH
— The Insider (@the_ins_ru) April 22, 2022
