Për miliona njerëz në mbarë botën, gjalpi është përbërësi numër 1 në çdo recetë dhe ushqim. Nuk ka dyshim se gatimi me gjalpë e bën ushqimin të shijshëm. Nutricionistët thonë se nuk është keq ta përdorni shpesh, por nuk duhet të zëvendësojë plotësisht vajin e ullirit.
Një studim i ri zbuloi se përdorimi i vajit të ullirit në vend të gjalpit mund t’ju ndihmojë të jetoni më gjatë. Njerëzit në studim konsumuan më shumë se gjysmë luge vaj ulliri në ditë. Siç rezultoi, ata kishin më pak gjasa të vdisnin nga sëmundjet e zemrës.
Në të njëjtën kohë ata kishin më pak gjasa të zhvillonin kancer dhe sëmundje të mushkërive ose Alzheimer, gjithmonë krahasuar me njerëzit që përdornin gjalpë ose margarinë. Vaji i ullirit përmban shumë lëndë ushqyese të lidhura me jetëgjatësinë që gjalpi nuk i ka.
Jashtëzakonisht i pasur me acide yndyrore të pangopura (të famshëm për veprimin e tyre anti-inflamator), vaji i ullirit përmirëson shëndetin e zemrës, përmirëson nivelet e kolesterolit, ul rrezikun e kancerit dhe shumë më tepër.
Acidet yndyrore mono të pangopura parandalojnë dëmtimin e ADN-së dhe aktivizojnë SIRT1, e cila është një lloj enzime që luan një rol thelbësor në funksionin e qelizave, metabolizmin dhe është treguar se përmirëson jetëgjatësinë. /abcnews.al
METROPOL MAGAZINE
