Pavarësisht se kanë një ushtri shumë më të vogël, forcat ukrainase kanë dhënë një përgjigje më të ashpër nga sa pritej ndaj pushtimit të Rusisë falë një numri të madh të anti-tankeve ‘Javelin’ apo ndryshe ‘Shtiza’ të ofruara nga vendet perëndimore, transmeton Gazeta Metro.
Me gjatësi 1.2 metra, ‘Shtiza’ mund të transportohet dhe përdoret nga një ushtar i vetëm. Megjithatë, arma, e prodhuar nga kontraktorët amerikanë Lockheed Martin dhe Raytheon, ka fuqi të mjaftueshme zjarri për të shpuar armaturën e tankeve nga 2.5 km larg.
Falë këtyre anti-tankeve, Ukraina raportoi se ka shkatërruar mbi 300 tanke ruse prej fillimi të luftës.
Në janar, Shtetet e Bashkuara i dërguan Ukrainës armë me vlerë 200 milionë dollarë, duke përfshirë 300 ‘Shtiza’. Washingtoni miratoi ndihmë ushtarake shtesë pas pushtimit rus.
Në Ukrainë, një imazh i një ikone fetare që mban një hedhës Javelin, i quajtur ‘Shën Javelin’, po qarkullon në mediat sociale. Përshkrimi ka ardhur për të simbolizuar rezistencën falë këtyre armëve./gazetametro.net
