Shefi i shtabit të mbrojtjes së Mbretërisë së Bashkuar, Admirali Sir Tony Radakin ka bërë një deklaratë të fortë ku ka treguar se cili është tashmë qëllimi.
Në fjalën e tij ai ka thënë se qëllimi është që lufta e Rusisë në Ukrainë të mos përshkallëzohet dhe të shmanget një luftë e vendeve të tjera me Rusinë.
“Mbretëria e Bashkuar i detyrohet popullit të Ukrainës, Evropës dhe botës që të sigurohet që lufta në Ukrainë të mos përshkallëzohet”, tha për BBC shefi i mbrojtjes së Mbretërisë së Bashkuar.
Radakin thotë se “gjëja e fundit që duam” është një luftë midis NATO-s dhe Rusisë, ndërsa pranon se ukrainasit po përballen me një situatë “të tmerrshme”.
Por shefi i shtabit të mbrojtjes së Britanisë thotë se pushtimi nuk po shkon mirë për Rusinë dhe ai ka besim se përgjigja e Mbretërisë së Bashkuar është efikase.
Nga ana tjetër, zëvendëskryeministri i Mbretërisë së Bashkuar Dominic Raab ka deklaruar se konflikti në Ukrainë do të zgjasë me muaj, nëse jo vite.
Ai tha për Sky News se aleatët duhet të tregojnë “qëndrueshmëri strategjike” për të siguruar që presidenti i Rusisë, Vladimir Putin, të dështojë.
Kujtojmë se të dyja vendet e përfshira në luftë janë të vendosura në qëllimin e tyre dhe sot pas 11 ditësh asnjë prej tyre nukka hequr dorë./ Gazeta Shqip
METROPOL MAGAZINE
