Në Premier League sot do të luhen shtatë ndeshje të xhiros së 28’të, Norwich i Milot Rashicës pret Brentford në shtëpi, kurse Southampton i Armando Brojës është mysafir i Aston Villa. Ndeshje interesante pritet të luhet edhe në ‘Anfield Road’ aty ku Liverpool është nikoqir i West Ham, transmeton Gazeta Metro.
Me fillim nga ora 13:30 luhet ndeshja e parë e javës së 28’të, aty ku Leicester City do të përballet me Leeds United. Skuadra mysafire së fundmi ka ndryshuar edhe trajnerin e ekipit duke larguar argjentinasin, Marcelo Bielsa.
Në vend të fundit me vetëm 17 pikë, Norwich City do të përballet në një sfidë shumë interesante në luftën për mbijetesë me skuadrën londineze, Brentford. Anësori kosovar, Milot Rashica pritet që sot të luaj ndeshjen e tij të 21’të në Premier League me ‘Kanarinat’.
Edhe sulmuesi shqiptar, Armando Broja sot do të zbres në fushë me skuadrën e tij, Southampton ku do të jenë mysafir të Aston Villas skuadrës së drejtuar nga mesfushori i famshëm anglez, Steven Gerrard.
Ndërsa në ora 18:30 luhet edhe ndeshja e fundit për këtë ditë, ajo mes Liverpool dhe West Ham. ‘The Reds’ janë në një formë të shkëlqyeshme duke mos ditur për humbje që një kohë të gjatë në Premier League, e humbjen e parë këtë sezon ja kishte shkaktuar West Ham me rezultat 3-2.
Me fillim nga ora 16:00 do të zhvillohen edhe këto sfida Burnley-Chelsea, Newcastle-Brighton, Wolves-Crystal Palace. /gazetametro.net
