Presidenti i Shteteve të Bashkuara të Amerikës (SHBA), Joe Biden, ka kërkuar nga Kongresi që ta aprovojë paketën e ndihmave për Ukrainën e që kap shifrën e 10 miliardë dollarëve, transmeton Gazeta Metro.
Kjo shumë financiare do të përfshijë edhe ndihmën për mbrojtjen ushtarake ukrainase që po sulmohet nga Rusia tash e tetë ditë.
Biden ka thënë se kjo shifër e ndihmës përfshinë gjithashtu ndihmën për të forcuar mbrojtjen e Ukrainës, për të mbrojtur rrjetin e saj elektrik nga ndërprerja dhe për të ndihmuar më tej aleatët e tjerë evropianë.
“Për të ndihmuar Ukrainën, administrata Biden po u bën thirrje ligjvënësve të miratojnë 10 miliardë dollarë, me shpresën për të trajtuar krizën humanitare në zhvillim në vend përballë një sulmi të përkeqësuar rus. Shifra përfshin gjithashtu ndihmën për të forcuar mbrojtjen e Ukrainës, për të mbrojtur rrjetin e saj elektrik nga ndërprerja dhe për të ndihmuar më tej aleatët e tjerë evropianë”, sipas dy personave që kanë njohuri me çështjen e që folën në kushte anonimiteti, shkruan Washington Post. /gazetametro.neta
