Shumë të vrarë nga të dyja anët në rajonin e Sumy në verilindje të Ukrainës, ku luftimet e ashpra kanë vazhduar gjatë natës duke gdhirë dita e martë.
Luftimet që sot janë në ditën e gjashtë, kanë rezultuar në dhjetëra viktima, si midis ukrainasve dhe rusëve, bën të ditur portali ukrainas kundër korrupsionit Antikor.
Sipas Antikor, artileria ruse goditi një njësi ushtarake ukrainase. Të paktën 70 persona janë vrarë nga pala ukrainase.
Por ka pasur gjithashtu një numër të madh viktimash nga pala ruse, thuhet në deklaratë.
Agjencia ukrainase e lajmeve Unian raportoi se ushtria në Sumy shkatërroi rreth 100 automjete ushtarake ruse.
Sakaq të paktën nëntë persona janë vrarë pasi trupat ruse bombarduan qytetin lindor të Ukrainës, Kharkov. Këtë e raporton kryebashkiaku Ihor Terekhov.
Tre shpërthime ndodhën në Kharkiv, qyteti i dytë më i madh i Ukrainës. Përveç të vdekurve, sipas kryebashkiakut janë plagosur 37 vetë.
Ai tha gjithashtu se 87 ndërtesa u dëmtuan nga bombardimet ruse. Informacioni nuk mund të verifikohej ende në mënyrë të pavarur. Në videon e mëposhtme shihen pamje të viktimave nga luftimet. /noa.al
?? Mayor Ihor Terekhov of Kharkiv
— WithUkraine 24/7 (@With__Ukraine) February 28, 2022
Today the enemy has shelled residential areas. Casualties among peaceful civilians have been reported. A woman died in the hospital, a family died in a car, four more people died after leaving their shelter to collect water. pic.twitter.com/QIA62oqLhD
