Deputeti i Lidhjes Demokratike të Kosovës, Agim Veliu ishte i pranishëm në derbin e madh italian që u zhvillua sot mes Interit dhe Milanit.
“Derby della Madonnina” u fitua nga Milani me përmbysje 1:2, që në këtë formë rrit gjasat në maksimum për titullin e kampionit.
Perisic kaloi Interin në epërsi, kurse Giroud me dy gola për tre minuta në pjesën e dytë i dha fitoren kuqezinjve.
Në mesin e shumë shikuesve në “San Siro” ishte edhe deputeti i LDK-së, Agim Veliu.
Agim Veliu së fundmi e ka paraqitur vetën si kryetar të Degës së LDK-së në Podujevë. Diçka të tillë e mohoi kryetari i LDK-së në Podujevë, Ekrem Hyseni.
Më pak se dy javë nga ky kjo përleshje verbale në mes të Veliut dhe Hysenit, LDK-ja organizoi zgjedhje të brendshme në Podujevë. Kuvendi që zgjodhi kryetarin e LDK-së, sipas Veliut ishte në kundërshtim me statutin e partisë. Kjo ishte edhe arsyeja pse Veliu refuzoi të marrë pjesë.
