Qyteti më i madh në Turqi, Stambolli, është goditur nga një stuhi e të ftohtit, e në mesin e qindra qytetarëve që kanë ngecur si pasojë e reshjeve të mëdha, është rabini izraelit që u strehua në një xhami.
Rabini Israel Elbaum ishte në Stamboll në kuadër të një udhëtimi zyrtar. Ky 62-vjeçar ishte nisur për të zënë aeroplanin për t’u kthyer në shtëpi, por mbeti i bllokuar në mes të rrugës për shkak të reshjeve të mëdha të borës që kishte paralizuar trafikun, e në aeroportin e qytetit ishin anuluar të gjitha fluturimet.
Fotografitë e Elbaumit që për shkak të reshjeve të mëdha të borës ka mbetur i bllokuar brenda veturës rrugës për në aeroport, janë shpërndarë nëpër rrjete sociale. Elbaum është dashur të pret në veturë deri në dytë orë, ku më pas është shpëtuar nga xhandarmeria turke.
Elbaum ka rikujtuar përvojën në xhami, ku së bashku me shumë tjerë arriti në ora 4 të mëngjesit. E para se të nisej për në shtëpi (Tel Aviv) me Turkish Airlines, 62-vjeçari foli për përvojat e tij gjatë natës ku tregoi se ishte strehuar në xhami.
My friend Rabbi Elbaum was also at the E-5 traffic pile up in #Istanbul - he took it in good spirits ?????
— Rabbi Mendy Chitrik (@mchitrik) January 25, 2022
Hundreds of travelers are stranded all over the country - do to the heavy snow storm. I keep on getting calls to supply Kosher food from Antalya and Ankara to Trabzon?? pic.twitter.com/IH7RcLDDGT
