Facebook Messenger do të njoftojë përdoruesit nëse dikush fotografon një mesazh që zhduket në biseda. Duke njoftuar përditësimin në Facebook, CEO i Meta Mark Zuckerberg ndau bisedën e tij me gruan e tij Priscilla Chan duke treguar se si funksionon metoda e re, ku biseda shfaqte mesazhin.
"Priscilla mori një pamje nga ekrani. Ne po shtojmë gjithashtu GIF, “stickersat” dhe reagime në bisedat e koduara," tha Zuckerberg.
Eshtë një dallim i madh që duhet pasur parasysh, pasi në rastin e Messengerit përdoruesit duhet të hap në menynë end-to-end për të realizuar një bisedë të koduar.
Megjithatë, kodimi tani nuk është i kufizuar në biseda “një për një”, pasi mundësohen edhe bisedat grupore të koduara dhe thirrje audio e video. Pra, tani është e mundur të bëhet lidhja me miqtë dhe familjarët në një mënyrë private dhe tejet të sigurtë.
Çfarë ka të re?
Bisedat dhe thirrjet në grup të enkriptuara nga "end to end" në Messenger: Vitin e kaluar, ne njoftuam se filluam të testonim enkriptimin nga skaji në fund për bisedat në grup, duke përfshirë thirrjet zanore dhe video. "Jemi të gëzuar t'ju njoftojmë se kjo veçori është e disponueshme për të gjithë. Tani mund të zgjidhni të lidheni me miqtë dhe familjen tuaj në një mënyrë private dhe të sigurt", njofton kompania.
Njoftimet e pamjes së ekranit: Vitin e kaluar, Facebook përditësoi cilësimet për mesazhet që zhduken në bisedat tona të enkriptuara nga "end to end" dhe tani po prezanton një njoftim të ri kur zbulojmë se dikush nxjerr pamje (screen shot) nga ekrani i një mesazhi që zhduket.
"Ne mendojmë se është e rëndësishme që të jeni në gjendje të përdorni biseda të koduara dhe të ndiheni të sigurt, ndaj duam t'ju mbajmë të informuar nëse dikush merr pamje nga ekrani i mesazheve tuaja që zhduken. Kjo është e njëjta veçori që Facebook ofron në modalitetin e zhdukjes së Messenger-it dhe tani po e shpërndan këtë njoftim gjatë javëve të ardhshme për mesazhet që zhduken në bisedat tona të enkriptuara end to end", njofton Facebook.
