"Ajo ka lindur me sindromën Down, kjo më bëri të kuptoj se kishin nevojë për ndihmë. Në fakt, kishte pak përfaqësues të tyre në politikë. Tani jam i njohur për mbrojtjen e tyre. Njerëzit me këtë sindromë kanë të njëjtën të drejtë si ne për të qenë pjesë e shoqërisë".
Figura e Romarios ka qenë gjithmonë e lidhur me konceptin e gjeniut dhe pamaturisë. Personi në fjalë theksoi se sa e vështirë është ta heqësh qafe një etiketim të tillë: "Në fakt, unë kurrë nuk kam anashkaluar një seancë stërvitore.
E di që të gjithë ishin të bindur që Romarios i pëlqente të festonte dhe të shkonte me femra. Në fakt, më ka ndodhur të bëja seks edhe para çdo ndeshjeje, por me gruan time. Kjo gjë nuk më shkaktoi në të vërtetë ndonjë problem, në fushë isha shumë i relaksuar dhe i lehtë.
Sidoqoftë, kur shënoja tre ose katër gola për ndeshje, bëhesha serioz, i pashëm dhe i besueshëm. Nuk mendoj se isha futbollisti më i mirë i kohës sime, por isha ndoshta goditësi më i mirë. Ishte pak si në të kaluarën e basketbollit. Kur duhej të bëjë një kosh, ia pasoje topin Jordan-it".
Romario u largua shumë herët nga Brazili, ku është një idhull absolut, ashtu si te Barcelona, skuadër që e mirëpriti dhe e vlerësoi pas eksperiencës në Holandë: “Kur shkova te PSV, isha 22 vjeç dhe nuk kisha jetuar kurrë jashtë Rios.
Nga plazhi, befas isha në një vend të errët dhe të ftohtë. Një herë temperatura kishte rënë në minus 17 gradë. Kam qëndruar tri ditë pa dalë nga shtëpia, kisha kaluar në letargji. Kur u transferova në Barcelonë doja 11, ishte numri im i preferuar, por Cruijff, trajneri më i madh që kisha, më dha 10 duke shpjeguar se në ekipin e tij më të mirët luajnë gjithmonë me 10".
Ndër anekdotat e ndryshme, Romario ka një të veçantë për të treguar: rrezikoi të mos ishte kampion bote: "Nuk do të isha thirrur kurrë, nëse Brazili nuk do të kishte vuajtur për t’u kualifikuar.
Unë kisha debatuar me stafin teknik gjatë ndeshjes me Uruguajin. Nëse Brazili nuk do të ishte kualifikuar, praktikisht do të duhej të largohej nga kompeticioni. Atë ditë luajta ndeshjen time më të mirë me kombëtaren”.
