Klubi i Pingpongut Priping, në bashkëpunim me Drejtorinë e Shëndetësisë dhe Qendrën Kosovare për Luftimin e Kancerit të Gjirit me rastin e muajit të vetëdijesimit ndaj kancerit të gjirit, do të organizojë turneun tradicional, “PINK-PONG Breast Cancer Awareness Table Tennis Tournament” për personat e prekur nga kjo sëmundje.
Këtë e ka bër të ditur KPP PriPing pëmes një komunikate për media, ku ftohen të gjithë qytetarët t‘i bashkohen ngjarjes.
„Muaji tetor është muaji i vetëdijesimit për kancerin e gjirit në të gjithë botën andaj KPP Priping me anë të sportit të pingpongut i është bashkangjitur kampanjës Prishtina Roze ku synon të ngrisë vetëdijesimin për kontrollimet e hershme dhe të luftojë këtë sëmundje qysh në hapat e parë“, thuhet në njoftim.
Ngjarja do të mbahet në sallën e pingpongut, në Pallatin e Rinisë dhe Sportit, në Prishtinë, sonte nga ora 18:00.
Organizatorët njoftojnë se pajisjet e nevojshme për turne, do të sigurohen nga klubi organizator.
„Klubi jonë do të sigurojë pajisjet e nevojshme për turne, kurse qytetarëve krejt çka ju duhet është të vijnë në sallën e pingpongut, në Pallatin e Rinisë dhe Sportit, në Prishtinë, sonte nga ora 18:00.
Pjesë e këtij eventi është edhe doktor Ilir Kurtishi, Drejtor i Onkologjisë në QKUK“, thuhet tutje në njoftim.
