Përparim Rama, kryetar i Prishtinës i ka dhuruar “Çelësin e Qytetit” Ambasadorit të Shqipërisë, Qemal Minxhozi për “kontributin e dhënë për forcimin e lidhjeve mes dy vendeve” në takimin lamtumirës që pati me të.
Rama e ka falënderuar Minxhozin për shërbimin e tij.
“Minxhozit i thash se do të mbetet gjithmonë ura jonë lidhëse me Shqipërinë”, tha Rama.
Ndërkaq, vet Minxhozi u shpreh falënderues për bashkëpunimin e Ramës me qytetet shqiptare.
“Jam vërtetë i lumtur që pata mundësinë që përgjatë këtyre viteve që kam shërbyer në Kosovë të bashkëpunoja me një njeri me shumë vlera i cili ka kontribuar në thellimin e bashkëpunimit mes vendeve tona”, tha ai.
Qemal Minxhozi ka shërbyer si Ambasador i Shqipërisë në Republikën e Kosovës për 10 vite.
