jë vajzë 24-vjeçare ka akuzuar mbrojtësin e Paris Saint-Germain për përdhunimin e saj në shtëpinë e tij në kryeqytetin francez më 25 shkurt. Ai i mohon akuzat.
Burimi tha se gruaja raportoi incidentin në një stacion policie të dielën, por nuk ngriti akuza. Zyra e prokurorit publik që trajton rastin në Nanterre, në periferinë perëndimore të Parisit, nuk pranoi të komentojë, por konfirmoi se një hetim kishte filluar.
“Klubi e mbështet lojtarin, i cili i ka mohuar me vendosmëri akuzat dhe i beson sistemit të drejtësisë. Paris St-Germain është një institucion që promovon respektin brenda dhe jashtë fushës”, tha PSG në një deklaratë.
Hakimi, i cili konsiderohet si një nga mbrojtësit më të mirë në botë, iu bashkua PSG-së nga Interi në vitin 2021. Ai tani luan përkrah superyjeve si Lionel Messi dhe Kylian Mbappé.
Për shkak të paraqitjeve të tij mbresëlënëse në nivel klubesh dhe ndërkombëtare vitin e kaluar, 24-vjeçari u zgjedh në 11-shen më të mirë të meshkujve në ceremoninë vjetore të çmimeve të FIFA-s në Paris të hënën./Lajmi.net/
