Tusha i cili ka luajtur edhe në Superligën e Turqisë, madje i kishte shënuar gol edhe klubit gjigant turk, Galatasaray, tregon për Lajmi.net se sa është ambientuar në Superligën e Kosovës.
Ai gjithasthu flet edhe për objektivat që ka skuadra nga Suhareka për sezonin 2022/23.
“Jam ambientuar goxha mirë me ekipin, kemi harmoni dhe pozitivitet në ekip. Jam i kënaqur me punën që po e bën trajneri dhe stafi me gjithë ekipin. Shpresoj që të inkuadrohem më shumë në ekip dhe të marr më shumë minutazh për ta ndihmuar skuadrën që t’i arrijmë objektivat tona. Natyrisht që ky objektiv është ta mbrojmë titullin kampion”, ka thënë Tusha për Lajmi.net
Në ndeshjen e fundit ndaj Dukagjinit, skuadra e udhëhequr nga Iliri Daja u dëmtua rëndë nga gjyqtarët. Kështu mendon edhe lojtari 20-vjeçar:
“Sa i përketë ndeshjes së fundit, kemi qenë të dëmtuar nga gjyqtarët. Besoj është diskutu gjatë nga analistët e futbollit. Por tani ne duhet të jemi të fokusuar te ndeshja e ardhshme. Dhe të luajmë lojën që dim ta bëjmë më së miri”, vazhdoi tutje lojtari kosovar
Kujtojmë që skuadra e Ballkanit është duke kryesuar tabelën e Superligës së Kosovës me 48 pikë, katër më shumë se vendi i dytë, Drita (44)./Lajmi.net/
