Deputeti i Partisë Demokratike të Kosovës (PDK), Ferat Shala ka thënë se po futemi në një ”situatë serioze” në lidhje me dialogun Kosovë-Serbi, transmeton Gazeta Metro.
Ai në emisionin ‘Frontal’ në T7 deklaroi se partia në pushtet (LVV) i ka fituar zgjedhjet ”me platformë të Zajednicës”.
“Është një situatë serioze në të cilën po futemi”, tha ai, duke kërkuar që ”Qeveria të jetë transparente”
Tutje, Shala theksoi se në takimin e nesërm rreth Asociacionit të komunave me shumicë serbe, të thirrur nga ambasada e SHBA’së në Kosovës, do të marrin pjesë edhe përfaqësuesit e PDK’së.
Ndërkaq, kryeministri Albin Kurti para pak ditësh bëri të ditur se nuk ka marrë ftesë për të qenë i pranishëm në këtë takim. /gazetametro.net
