Erika Kordha është 20-vjeçarja që ka shkruar një libër mbi përjetimet e saj dhe në emisionin “Shije shtëpie” në Tv Klan, ka treguar se ka qenë 12 vjeç kur është abuzuar seksualisht. Më pas jeta e saj ka marrë një rrjedhë krejtësisht tjetër, teksa u shpreh se nuk ka pasur mbështetjen e askujt.
Erika Kordha: Shkrimi i librit ka nisur që në moshën 13-vjeçare. Libri është publikuar në qershor të këtij viti. Të gjitha janë përjetime që unë i kam kaluar në një moshën të vogël, 12-vjeç. Nuk e pata mbështetjen nga shoqëria dhe më përbuzën, kështu vendosa që të gjithë vuajtjen time ta kthej në libër.
Katerina Trungu: Kanë kaluar 12 vite, çfarë ndodhi në moshën 12-vjeçare që të kuptohet dhe nga publiku?
Erika Kordha: Në moshën 12-vjeçare kam rënë viktimë e një abuzimi seksual dhe më pas e gjithë jeta ime mori një rrjedhë tjetër, duke u braktisur nga shoqëria, nga instancat ligjore dhe ngela vetëm, unë dhe Zoti. Traumat që la ngjarja më pas, vendosa që t’i hedh në fletë.
Katerina Trungu: 12 vjeç nuk më përmende familje..
Erika Kordha: Unë jetoj në një zonë të vogël ku mentaliteti është brutal, por nuk i vë faj sepse nganjëherë gjykojmë nga padituria.
Katerina Trungu: Çfarë ka ndodhur në vija të përgjithshme?
Erika Kordha: Unë kam qenë në dyqan për të blerë ushqime… nuk dua të flas më tepër
Katerina Trungu: Dhe dikush është afruar dhe ka ndodhur diçka…
Erika Kordha: Po
Katerina Trungu: Pastaj çfarë ndodhi me ty?
Erika Kordha: Aty abuzoi seksualisht me mua, jam kërcënuar.
Katerina Trungu: Nuk dua të të ngacmoj në atë pikë… Kthehesh në shtëpi, familja a e merr vesh se çfarë ka ndodhur me ty?
Erika Kordha: Po, familja e merr vesh se çfarë ka ndodhur. Më pas është bërë denoncimi në polici dhe personi është arrestuar.
Katerina Trungu: A vuajti dënimin?
Erika Kordha: Vuaji vetëm një vit, nga 4 që mori dënimin.
Erika Kordha: E shkatërruar komplet, e braktisur nga shoqëria sepse ofendohesha, paragjykohesha.
Katerina Trungu: Të tjerët e mësuan?
Erika Kordha: E mësuan të gjithë, por atë pafajësinë time e vranë të gjithë me sharje, me ofendime.
Albana Çaushaj: E përmendi dhe më herët shkollën, drejtuesi i shkollës vendos ta përjashtojë nga shkolla për këtë që ka ndodhur dhe kjo është gjëja më e rëndë pas asaj që ka ndodhur.
Erika Kordha: Nga shkolla, unë përjashtoj vetëm një mësuese që më ka mbështetur që ka qenë mësuesja ime kujdestare, kurse për pjesën tjetër, nuk dua të flas fare. Ëndrrat e mia janë të shkatërruara pasi sapo dikush e mëson historinë time, më shmanget edhe sot e kësaj dite që jam 20 vjeçe.
Katerina Trungu: A ke trokitur ndonjëherë në ndonjë institucion apo organizatë?
Erika Kordha: Po, kam trokitur dhe kam jetuar në një qendër sociale në Vlorë 8 muaj./tvklan.al
