Messi dhe Ronaldo mund të përballen sërish si kundërshtarë në fushën e blertë, kjo pasi Paris Saint-Germain ka planifikuar të udhëtojë në Arabinë Saudite për një miqësore që do të zhvillohet më 19 janar kundër një ekipi të kombinuar nga skuadrat Al Hilal dhe Al Nassr.
Nëse ndeshja konfirmohet dhe të dy lojtarët thirren për të marrë pjesë, mund të jetë një nga shanset e fundit për të parë dy yjet që kanë dominuar vitin e fundit futbollin, duke luajtur kundër njëri-tjetrit përpara se të tërhiqen.
Ndeshja ishte planifikuar të zhvillohej në fillim të vitit 2022, por u anulua për shkak të COVID-19.
Kujtojmë se vetëm pak orë më parë Cristiano Ronaldo njoftoi kalimin tek ekipi Al Nassr në Arabinë Saudite, ku do të përfitojë të ardhura të majme prej 200 milionë eurosh në vit.
