Zyrtarët në Moldavi paralajmërojnë për një sulm të mundshëm nga Rusia në fillim të vitit 2023.
Sipas tyre, gjatë ditëve në vijim trupat ruse mund të nisin ofensivën ushtarake në Ukrainën jugore dhe më pas të synojnë bashkimin me rajonin separatist në Moldavi, Transnistrinë.
Moldavia shpalli pavarësinë e saj nga Bashkimi Sovjetik më 1991. Një vit më vonë, separatistët e mbështetur nga Rusia nisën një luftë civile në Transnistri dhe që atëherë kontrollojnë rajonin që ndërkombëtarisht njihet si pjesë e Moldavisë.
Atje vazhdon të ketë trupa ruse dhe Prania e tyre është shqetësimi më i madh i ukrainasve që jetojnë pranë kufirit.
Që prej fillimit të luftës në Ukrainë, qeveria në Kishinau ka shpallur disa herë gjendje emergjence në rajonin separatist, për shkak të frikës së përshkallëzimit të tensioneve.
Një sulm i Rusisë ndaj Moldavisë, do ta sillte konfliktin në kufirin e Europës Juglindore dhe të Ballkanit.
