Udhëheqësi i Qendrës për Gjeopolitikë në Universitetin e Cambridge në Mbretërinë e Bashkuar, Timothy Less, shtoi se nuk është larg mëndësh që Turqia të jetë një ndërmjetës dhe garantues mes Kosovës dhe Serbisë, nën diktatin e Perëndimi gjithsesi, transmeton Gazeta Metro.
Profesori Timothy Less për gazetën serbe Blic tha se Turqia si një garant i marrëveshjes mes Beogradit dhe Prishtinë – teori apo ide për të shqyrtuar, apo edhe një mundësi reale ndoshta e cila do të rendiste Turqinë si ‘lojtar i madh’ duke dalë nga roli i fuqisë rajonale.
Kjo ndoshta nuk do të ishte edhe një befasi, kur kihet në konsideratë se Turqia në disa raste e ka ofruar ndërmjetësimin si në rastin konkret, por edhe në disa të tjerave kriza botërore, ajo mes Rusisë dhe Ukrainën shkruan Blic.
“I vetmi shtet lindor që do të mund t’i lejohej të luante rol në sigurinë e Kosovës në të ardhmen është Turqia. Në njërën anë, ajo është anëtare e NATO’së, në tjetrën ka relacione të mira si me Beogradin poashtu edhe Prishtinën” ka thënë Less.
Megjithatë, kjo nuk do të kalonte aq lehtë.
.“Ajo që kemi parë viteve të fundit, fuqitë perëndimore padyshim që do të këmbëngulnin në atë që roli i Turqisë të jetë vartës ndaj rolit të SHBA’së dhe Europëss, dhe i kufizuar në atë që do t’i lirojë nga nevoja e dedikimit të resurseve ushtarake shtesë në Ballkan në vend se të kenë çfarëdo roli të pavarur udhëheqës” tha Less.
Ai tutje shtoi se nuk është optimist së pari sa i përket një marrëveshjeje mes Kosovës dhe Serbisë.
“Në të kundërtën, të dyja palët siç edhe duket kanë vendosur që së pari të provojnë të përforcojnë faktet në terren: Prishtina të integrojë veriun me pjesën tjetër të Kosovës për të paraprirë kërkesës së Beogradit për autonomi, ndërsa Beogradi të shkëpusë veriun, dhe të ndalojë që ai të shndërrohet pjesë e Kosovës së pavarur. Deri atëherë kur statusi i veriut nuk zgjidhet realisht, nuk shoh aspak gjasa që ndonjëra palë të pajtohet me një marrëveshje e cila e formalizon këtë”.
Kur kjo betejë diplomatike të përfundojë, me shumë gjasë do të ketë vend vetëm për një garantues.
“Nëse dhe kurdo të ndodhë marrëveshja. I vetmi garantues i pranueshëm për fuqitë perëndimore do të jenë fuqitë perëndimore. Pjesa kryesore e motivit në përpjekjen e zgjidhjes së çështjes së Kosovës është pikërisht ndikimi i Rusisë dhe Kinës në Ballkan dhe lidhja më afërt e rajonit me Perëndimin. Në përputhje me këtë, nuk ekziston skenar në të cilin fuqitë perëndimore do t’i jepnin rol Rusisë dhe Kinës në sigurinë e Ballkanit, drejtpërdrejtë do të ishte në kundërshti me këtë synim. Dhe kjo duhet të thuhet, nuk do të ishte e pranueshme për Kosovën, kështu që kjo ide me të vërtetë është jo reale”./gazetametro.net
