Ambasadori Amerikan në Beograd, Christopher Hill, ka folur rreth kërkesës së Serbisë që pritet t’ia drejtoj sot KFOR’it, e për dërgimin e njëmijë ushtarëve në Kosovë, duke theksuar se kësaj çështje i duhet një zgjidhje politik, transmeton Gazeta Metro.
Hill, sot para gazetarëve në Nish ka deklaruar se nuk e sheh si mundësi zgjidhjen ushtarake të situatës në veri të Kosovës.
I pyetur se a ka të drejtë që Serbia të shtroi kërkesën në KFOR, për për dërgimin e 1 mijë ushtarëve, Hill ka thënë se natyrisht që ka të drejtë, por ka shtuar se kjo është një çështje politike prandaj duhet një zgjidhje politike.
“Siç e ka bërë qartë të ditur dje zoti Escobar, kjo do të ndodhë. Themelimi i Asociacioni do të krijojë kushte për kthimin në normalitet, nga ku do të vendoset paqja dhe stabiliteti në rajone ku ata njerëz jetojnë me shekuj, e kjo do të mundësoj një stabilitet që do të nxisë investime”, tha tutje Hill.
Duhet theksuar se ditë më parë Escobar ka thënë se SHBA nuk mbështetë kthimin e trupave serbe në Kosovë, si dhe ka potencuar se formimi i Asociacionit të komunave serbe në Kosovë është obligim, si për Kosovën dhe Serbinë, ashtu edhe për BE’në që e ka ndërmjetësuar negocimin e tij.
“SHBA-ja, e kundërshton dhe e refuzon në mënyrë kategorike kërkesën e Serbisë për kthimin e forcave të saj në Kosovë”.
“Ne do ta kemi Asociacionin, ne do të jemi pjesë e procesit, dhe ai proces duhet të përfshijë Qeverinë e Kosovës. Nëse jo, ne mund ta zhvillojmë atë diskutim me partnerë alternativë, me shoqërinë civile, me grupet e të rinjve, me komunitetin e biznesit, me të gjithë që do të donin të shihnin Serbinë dhe Kosovën duke dalë nga ky cikël i jostabilitetit”, kishte theksuar Escobar./gazetametro.net
“Natyrisht që qeveria e Serbisë ka të drejtë t’i drejtohet KFOR, por kjo mbetet një çështje politike dhe si e tillë e ka të nevojshme një zgjidhje politike. Është e nevojshme që të qetësojmë situatën, ashtu që pjesëtarët e komunitetit serb që jetojnë në atë rajon të kenë pritje të qarta se si do të duket jeta në të ardhmen” tha Hill.
Ai gjithashtu ka shtuar se e mbështetë atë çfarë ka thënë Escobari, dhe se krijimi i Asociacionit do të krijojë kushte për kthimin në normalitet.
