Sipas një studimi amerikan, pilula e impotencës Viagra mund të jetë një trajtim i dobishëm kundër sëmundjes së Alzheimerit, shkruan BBC
Sipas provave, ilaçi synon disa nga proteinat që shkaktojnë këtë lloj sëmundje.
Ekipi i Cleveland-it gjithashtu analizoi bazën e të dhënave të 7 milionë pacientë dhe zbuloi se burrat që merrnin ilaçin kishin një rrezik më të ulët të Alzheimerit. Ky studim është shpresëdhënës, sepse sipas studiuesve ripërdorimi i një ilaçi ekzistues mund të jetë më i shpejtë, më i thjeshtë dhe më i lirë sesa gjetja dhe zhvillimi i një trajtimi të ri.
Viagra, e njohur edhe si sildenafil, fillimisht u krijua si një ilaç për zemrën. Mjekët më pas zbuluan se kishte një efekt të ngjashëm edhe në pjesë të tjera të trupit, duke përfshirë arteriet e organit gjenital, dhe u cilësua një trajtim i suksesshëm për mosfunksionimin erektil, raporton abcnews.al
Por ekspertët mendojnë se mund të ketë edhe efekte të tjera. Sildenafil përdoret tashmë tek burrat dhe gratë për një problem të mushkërive të quajtur hipertension pulmonar./abcnews.al
