Të paktën 32 persona kanë vdekur pasi një urë u shemb në shtetin perëndimor të Indisë, Gujarat, thonë zyrtarët.
Qindra janë mbytur në lumin Maçhu në qytetin Morbi, shkruan BBC, ndërsa pamjet lokale tregojnë njerëz që varen nga ura e varur pjesërisht e zhytur në ujë.
Raportet thonë se rreth 400 njerëz ishin në strukturë në atë kohë. Autoritetet thanë se përpjekjet e shpëtimit ishin duke u zhvilluar. Tragjedia vjen vetëm disa ditë pasi ura u rihap pas riparimeve.
Kryeministri indian Narendra Modi, i cili ndodhet në shtetin e tij në Gujarat për një vizitë tre-ditore, tha se ishte “thellësisht i pikëlluar nga tragjedia.”
Videot tregojnë skena të kaosit teksa shikuesit përpiqen të shpëtojnë të bllokuarit në ujë ndërsa bie errësira.
Stafet e urgjencës nga rrethet fqinje janë dërguar në vendngjarje për të ndihmuar në përpjekjet e shpëtimit./abcnews.al
