Që nga vizita e saj në ‘La Resistencia’, Pilar Rubio ka qenë në buzët e të gjithëve. Rrëfimi i saj për herët që bën dashuri me bashkëshortin, futbollistin Sergio Ramos, ishte i bujshëm. Ajo siguroi se kur ishin bashkë e bënin çdo ditë.
Një realitet që është bërë edhe më i besueshëm pas ekskluzivitetit më të fundit në programin ‘Fiesta’ të ‘Telecinco’, drejtuar nga Pilar Rubio, ku paparaci Sergio Garrido ka zbuluar fotografi të çiftit gjatë një arratisjeje të fundit në bregdet, konkretisht në një jaht.
Martesa e ciftit të njohur, i cili është në një lidhje prej 14 vitesh, tregon se vazhdon me pasionin e paprekur, praktikisht si dy adoleshentë. Në botën e futbollit flitet gjithmonë shumë për të vërtetën e dashurisë në martesat e futbollistëve, përfshirë atë të qendërmbrojtësit të PSG-së dhe influencueses spanjolle.
Megjithatë, imazhet e Garridos, të cilat u deshën tri ditë për t’u përjetësuar, vërtetojnë se mes Pilar Rubio dhe Sergio Ramos flaka e dashurisë dhe pasionit është më e gjallë se kurrë.
"Unë ju them një gjë. Janë imazhe të ndjeshme për ta, sepse janë pjesë e identitetit të tyre. Por ju them një gjë: kanë mbi dhjetë vite martesë dhe janë kaq pasionantë", – tha Emma García. "Çfarë zilie", – u përgjigj Alexia Rivas.
Përfundimisht, Garrido dha verdiktin e tij për shëndetin e martesës: "Ajo që Pilar thotë në intervistë (e ‘La Resistencia’), mund ta konfirmoj që është e vërtetë. Ajo kërkon vazhdimisht dashuri, fërkime, të qenit bashkë me burrin e saj. Më duket e mrekullueshme që ka njerëz që me ato vite në çift janë të tillë, i shoh super të dashuruar, super të lumtur”.
