ulmet ruse në infrastrukturën kritike e kanë lënë Kharkivin me një ndërprerje “totale” të energjisë, ka thënë presidenti ukrainas Volodymyr Zelensky, pas raportimeve për “fitime të rëndësishme” nga forcat e tij në një kundërofensivë rajonale.
Donetsk ka mbetur gjithashtu pa energji elektrike, tha presidenti në Twitter, ndërsa rajonet e Zaporizhzhia, Dnipropetrovsk dhe Sumy po luftojnë me ndërprerje të pjesshme, shkruan Sky News, përcjell Telegrafi.
Kharkiv gjithashtu dukej se ishte nën një ndërprerje të plotë, pa dritë të dukshme në qytet.
Makinat kalonin nëpër rrugë në terr dhe këmbësorët e rrallë përdorën një pishtar ose celular për të ndriçuar rrugën e tyre.
Në periferinë perëndimore, një zjarr shpërtheu në një stacion energjie që thuhet se u godit nga një sulm, duke nxjerrë tym.
