Zyrtarja e Partisë Socialdemokrate të Kosovës, Donjeta Demolli ka vazhduar kritikën e partisë së saj ndaj qeverisë së Kosovës dhe ministrisë së Arsimit në raport me grevën e mësimdhënësve në Kosovë.
Ajo në një postim në Facebook ka thënë se qeveria nuk ka bërë asnjë lëshim për BSPK-në që nga fillimi i grevës, por përkundrazi ka kërcënuar dhe ka ndërprerë jashtëligjshëm pagesat, shkruan lajmi.net.
Siç shprehet Demolli, pagesa prej 50 euro për mësimdhënës nuk është rezultat i dialogut, por ka qenë i vendim i njëanshëm dhe sipas saj, ministrja Nagavci ka shkelur Kushtetutën.
Ajo gjithashtu ka thënë se Nagavci ka tejkaluar kompetencat e saj si ministre, ka shkelur kontratën kolektive, ka instrumentalizuar fëmijët dhe nuk ka fillur ndërtimin e as 10% të 160 qerdheve të premtuara.
Në fund, ajo ka kërkuar dorëheqjen e ministres Nagavci.
Ky është postimi i saj:
Që nga fillimi i grevës së BSPK, Qeveria nuk ka bërë asnjë lëshim në raport me palën tjetër:
– ka kërcënuar grevistët dhe ka ndërprerë pagesat jashtligjshëm. Qeveria hoqi dorë nga kjo masë pas reagimit të opinionit publik.
– pagesa prej 50 euro për mësimdhënës nuk është rezultat i dialogut. Vendimi ka qenë i njëanshëm dhe krye në vete. Pra nuk mund të kuptohet si kompromis por përkundrazi është sinjal i një pushteti represiv.
– Arbërie Nagavci është shkelëse e Kushtetutës.
– Ka tejkalu kompetencat e saj si ministre.
– Është ajo që nuk po respekton kontrataën kolektive dhe nuk po zbaton marrëveshjen për pagat jubilare.
– Ka instrumentalizu fëmijët për te fitu pushtetin në Kamenicë.
– nuk ka filluar ndërtimi i as 10% të 160 cerdheve të premtuara.
Ku Arbërie është dorëheqja?. /Lajmi.net/
