Nënkryetarja e PDK-së, Vlora Çitaku i ka reaguar në një postim Hysamedin Ferajt, këshilltarit të kryeministrit Kurti i cili dje në një postim u lëshua në konkluza në lidhje me takimin e të parit të Qeverisë me shefin e NATO-s, Jens Stoltenberg.
Çitaku, deklaratat e Ferajt i ka quajtur injorancë, shkruan lajmi.net.
“Ka pasë thanë një i ditur para shumë kohe, gjithësia edhe ndoshta ka fund, po injoranca e njeriut është definitivisht e pafund”, ka shkruar Çitaku për Ferajn.
Reagimi i Çitakut erdhi pasi Feraj postoi fotografinë nga konferenca e Kurtit me Stoltenberg, e në të cilën tha se prapa Kurtit qëndron flamuri i NATO-s, e prapa Vuçiqit, në takimin tjetër, qëndron ai i Serbisë.
Sipas tij, kjo tregon se Stoltenberg e Kurti janë më flamur të përbashkët, e Vuçiq me flamur të vetmuar.
Tutje, në një koment të radhës, nënkryetarja e PDK-së ka treguar se mosvendosja e flamurit të Kosovës në konferencë me Kurtin, ka të bëjë me faktin se katër shtete anëtare të NATO-S nuk e njohin pavarësinë e Kosovës.
“Mosvendosja ka te beje me faktin qe 4 antare te NATO nuk na njohin. Keshtu si eshte pritur Kurti jane pritur te gjithe KM te Kosoves. Po asnje nga keshilletaret e kryemnistrave atebote nuk kane dale me deklarata te tilla. Kjo cka ka bere ky eshte delusion”, deklaroi Çitaku. /Lajmi.net/
