Nuk është hera e parë që serbët i këndojnë Kosovës me këngë nacionaliste.
Në një koncert të mbajtur nga “Beogradski Sindikat” në Tashmajdan të Beogradit, qytetarët së bashku më grupin i kanë kënduar Kosovës me thirrje nacionaliste.
Ky grup muzikor është i njohur për përmbajtjen nacionaliste në tekstet e tyre.
Lidhur me këtë ka pasur reagime në rrjetet sociale.
“Pse këndojnë për luftën dhe kthimin e Kosovës e vijnë e qëndrojnë në Beograd? A jam ka i kuptoj mirë ata se vetëm e inkurajojnë luftën dhe se duan ta shpëtojnë jetën e tyre?”, thuhet në një reagim.
Ndërsa sipas politikanes serbe të Kosovës, Rada Trajkoviq, “sistemi që i gënjen” qytetarët në Serbi kontrollohet nga presidenti Aleksandar Vuçiq.
“A e dinë këta të rinj (ndoshta me të drejtë të pakënaqur) se ‘sistemi që i gënjen’ kontrollohet nga Vuçiqi dhe jo nga “Perëndim i kalbur” imagjinar?”, thekson Trajkoviq.Po ashtu kujtojmë se gjatë ceremonisë së shugurimit të Kreut të Kishës Ortodokse Serbe, Joanikije në Cetinje të Malit të Zi ishte kënduar një këngë, në tekstin e së cilës thuhej edhe “kur ushtria kthehet në Kosovë…”. /Telegrafi/
Znaju li ovi (verovatno s pravom nezadovoljni) mladi ljudi da “sistem koji ih laže” kontroliše Vucic a ne neki imaginarni “truli Zapad”? https://t.co/ZVfbN13Dfz
— Rada Trajkovic (@trajkovic_rada) June 12, 2022
