Detaje të reja janë zbuluar nga ngjarja e rëndë e ndodhur ditë ne sotme në Berlin, ku një makinë përplasi një turmë njerëzish, duke lënë një të vdekur, dhe dhjetëra të plagosur.
Sipas Sky News, në vendin e ngjarjes është gjetur një letër rrëfimi që dyshohet se i përket shoferit që mori përpara me makinë njerëzit, ndërsa e përditshmja gjermane Bild, raporton se një nga hetuesit ka deklaruar që rasti nuk ishte një aksident.
Dyshimet kryesore janë që ishte një ngjarje e planifikuar, nga një njeri me probleme mendore, pa lidhje me terrorizmin. Megjithatë, hetimet që ende vazhdojnë pritet të hedhin më shumë dritë rreth ngjarjes së rëndë të ndodhur në Breitscheidplatz.
Pranë vendit të ngjarjes ndodhet dhe parku Kurfürstendamm, që ishte skena e sulmit më vdekjeprurës të ndodhur në Gjermani. Më 19 dhjetor 2016 u shënua masakra në tregun e Krishtlindjeve e kryer nga Anis Amri, në të cilën humbën jetën trembëdhjetë persona.
