Ish-zëvendës ministri i Punëve të Brendshme, Zafir Berisha ka folur pas dyshimeve se ka sulmuar një polic të Kosovës. Ai ka mohuar të ketë sulmuar policinë, duke shtuar se ka qenë viktimë e tyre, shkruan Gazeta Metro.
Zëdhënësi i Policisë së Kosovës për Rajonin e Prizrenit, Vesel Gashi ka thënë se i njëjti është arrestuar pasi ka sulmuar dhe fyer policinë.
“Është dërguar në stacion për intervistim, pasi dyshohet se ka penguar, ofenduar dhe ka sulmuar zyrtarët policorë, derisa ishin duke e gjobitur për kundërvajtje”, ka deklaruar Gashi.
Por një gjë të tillë e ka mohuar Berisha, i cili ka thënë se ishte viktimë e policisë, pasi që është sulmuar me sprej në sy.
Ai ka thënë se është shoqëruar në stacion policor pasi ishte viktimë e një sjellje banditeske të një polici.
Tutje Berisha për klan k, tha se nuk mund ta sulmoj një polici, që siç tha ai ka qenë në gjendje të jap jetën që Kosova ta ketë policinë e saj. Ai ka pretenduar se është sulmuar me sprej në sy pasi e hedhur një fletushkën e dënimit në tokë.
“Është e vërtetë qe jam shoqëruar në stacion policor, pasi isha viktimë e sjelljes banditeske të një polici. Si me e sulmu policinë, unë kam qenë në gjendje me e dhanë jetën për me e pas këtë polici. Dola me e largu veturën pastaj një dënim që me ishte vendosur e largova, një polici që ishte aty nuk me lejoj dhe me pas jam sulmuar me sprej në sy”, tha Berisha ./gazetametro.net
