Thomas Tuchel zbuloi se është i hapur ndaj idesë që Chelsea të luajë me një mesazh paqeje në fanellat e tyre, për sa kohë që skuadra e tij ka mjaft fanella.
Njoftimi i së enjtes se Roman Abramovich ishte sanksionuar nga qeveria e Mbretërisë së Bashkuar, u pasua nga rrjeti celular “Three UK”, duke zbuluar se ata po pezullonin sponsorizimin e tyre ndaj klubit.
Fillimisht pritej që skuadra e Tuchel do të vishte fanella pa sponsorizime të enjten mbrëma, kur u përball me Norwich City në ligë.
Megjithatë, me deklaratën e “Three UK” që erdhi kaq shpejt përpara se të niste ndeshja në Anglinë Lindore, skuadra luajti me fanella normale, gjë që me gjasë nuk do të ndodhë në fundjavë.
Fanelat ka të ngjarë të mbeten pa logon e sponzorit kryesor, por Tuchel refuzoi të mbyllte idenë e një mesazhi paqeje që mbahej në fanellat, kur u pyet në konferencën e tij për shtyp para ndeshjes.
“Ne gjithmonë mund të mbajmë një mesazh për paqen dhe kurrë nuk mund të jetë mesazhi i gabuar”, deklaroi trajneri i Chelseat.
Tuchel ndau shqetësimin e tij për faktin se klubi mund të mos jetë në gjendje të përballojë fanellat, për shkak të rregullave që janë aktualisht në fuqi për ekipin.
Ata nuk lejohen të shpenzojnë më shumë se 20,000 euro për të udhëtuar në çdo lojë, ndërsa mund të shpenzojnë vetëm 500,000 euro për operacionet për çdo ndeshje.
Mund të ketë probleme të mëtejshme financiare në Stamford Bridge, me pretendimet se ekipit mund t’i mbarojnë paratë në pak më shumë se dy javë.
Një ekspert pohoi gjithashtu se mund të jetë ende drejtuar për administrim, megjithëse ka ende shpresë se mund të shitet ndërkohë që sanksionet mbeten.
Blutë presin Neëcastle United të dielën në ndeshjen e tyre në Ligën Premier, mbetet për t’u parë nëse ata do të mbajnë një mesazh paqeje në fanellat e tyre. /Telegrafi/
