Deputeti i PD-së, Ervin Salianji ka reaguar sërish mbi situatën në PD, duke përsëritur kërkesën për largimin e Lulzim Bashës nga posti i kryetarit.
Ai thekson se Basha me takimet që po bën këto ditë thjesht po kërkon më tepër të fitojë kohë që të shuhen reagimet për largimin e tij.
"Lulzim Basha duhet të ikë! Megjithëse në këto orë po përpiqet të blejë kohë e të manipulojë duke u përgjëruar “edhe për njê tjetër herë të fundit” e cila nuk ka fund, por po tenton të çojë PD drejt fundit! Ai thote qe “po lufton”, por u bënë 9 vite që luftojmë për të dhe e vetmja luftë e tij është lufta ndaj demokratëve! Duhet ta shohë realitetin në sy, ai nuk mundet më të marrë zvarrë të ardhmen që po bëhet e shkuar. Partia Demokratike është aset kombëtar jo aset personal! Si përherë me demokratët", shkruan Salianji.
