Shteti mund t’i dënojë tregtarët që sot rriten çmimin e vajit në 3.49 euro, pasi që kanë bërë shkelje ligjore, shkruan Gazeta Metro.
Në bazë të Nenit 4 të Ligjit për mbrojtjen e konkurrencës në Kosovë, vendosja e çmimit të vajit nga të gjitha kompanitë në 3.49 euro, është shkelje ligjore dhe kështu dënohen të gjithë tregtarët që kanë bërë një shkelje të tillë.
Gjatë ditës së sotme në Kosovë çmimi i vajit ushqimore thuajse anembanë vendit, ka shkuar deri në 3.49 euro.
Tregtarët duke se janë koordinuar që kjo rritje e çmimit të vajit të bëhet njëjtë në të gjitha dyqanet ushqimore në Kosovë, pasi që konsumatorët kanë dërguar fotografi të rafteve nga gjithë vendi, ku shihet se çmimi i vajit ushqimor ka qenë i njëjtë.
Mirëpo në bazë të nenit 4 ë Ligjit për mbrojtjen e konkurrencës në Kosovë, vendosja e çmimit të vajit nga të gjitha kompanitë në 3.49 euro, është shkelje ligjore.
Pika 1 e këtij ligji thotë: “Ndalohen të gjitha marrëveshjet ndërmjet dy ose më shumë ndërmarrjeve të pavarura, vendimet e marrura ne mes te shoqatave të ndërmarrjeve dhe praktikat e bashkrenduar të cilat kanë për qëllim ose mund të ndikojnë në mënyrë të dukshme në çrregullimin e konkurrencës tregtare në tregun relevant e veçanërisht marrëveshjet që: 1.1. caktojnë, në mënyrë të drejtpërdrejtë ose të tërthortë, çmimet e blerjes ose të shitjes, apo çdo kusht tjetër tregtimi; 1.2. kufizojnë ose kontrollojnë prodhimin, tregjet, zhvillimin teknik ose
investimet; 1.3. ndajnë tregjet ose burimet e furnizimit; 1.4. zbatojnë kushte të ndryshme për transanksione të njëjta me ndërmarrje të tjera tregtare, duke i vendosur ato në gjendje të pafavorshme konkurruese; 1.5. kushtëzojnë lidhjen e kontratave me pranimin nga palët e tjera kontraktuese të detyrimeve shtesë që për nga natyra ose nga përdorimi i tyre tregtar, nuk kanë lidhje me objektin e këtyre kontratave”.
Veprimi që kanë bërë tregtarët sot i bie që është shkelje ligjore, pasi që kanë bërë kurdisjen e çmimeve dhe me këtë duhet të dënohen pikërisht tregtarët.
Mirëpo deri tani shteti nuk ka marrë asnjë veprim për këto rritje të çmimeve dhe askush deri më tani nuk është raportuar se është gjobitur ose diçka e tillë. /gazetametro.net
