Merr përmasa masive protesta në Tiranë.
Qytetarët të irrituar, kanë bllokuar rrugën për makinat, për shkak të rritjes së çmimit të naftës. Rruga te bulevardi Dëshmorët e Kombit është e bllokuar nga qytetarët, dhe kjo ka bërë që drejtuesit e mjeteve të hyjnë në sens të kundërt për të dalë nga aty.
Një pjesë e mirë e protestuesve, ndodhen ende në bulevard, duke ngritur shqetësimet që kanë me çmimet e larta të naftës, po edhe të gjitha produkteve të tjera. Në vendngjarje kanë mbërritur forcat e rendit, rrugorja po edhe efektivët ‘Shqiponja’, të cilët kanë formuar një kordon në mënyrë që protesta të mos agravojë më shumë.
Nga kjo protestë, policia gjithashtu ka shoqëruar disa persona. Ndërkohë që të pranishmin që kanë ngelur në protestë u kanë bërë thirrje të gjithë qytetarëve të tjerë tu bashkohen dhe të qendrojnë aty deri sa situata të zgjidhet.
