Pilotët rusë janë kapur nga forcat ukrainase pasi avioni i tyre u rrëzua në Ukrainë. Në pamje duken burrat e ulur në gjunjë teksa mbajnë duart pas kokës dhe thonë se po ndiqnin urdhrat e Putin.
Në rrjetet sociale janë bërë virale pamjet e pilotit, i cili shfaqet i veshur me jumpsuit portokalli lutet për mëshirë.
Këto pamje vijnë një ditë pasi forcat ajrore ruse humbën deri në tetë avionë luftarakë, ndërsa duket se dhe ushtria po i kthehet kundër Putinit për shkak të luftës në Ukrainë, raporton noa.al duke cituar Daily Mail.
Ditën e djeshme, Putin u vu nën presionin e ushtarëve të tij për të ndaluar luftën. Në një konferencë shtypi në Kiev, trupat ruse të kapur dënuan misionin dhe u bënë thirrje bashkëqytetarëve të tyre të dalin kundër luftës.
Andrey Chuvatarevsky, një ushtar që shërbeu për Moskën tha: "Rusët, të bëjnë gjithçka që është e mundur për të ndaluar këtë luftë. As Ukraina dhe as Rusia nuk kanë nevojë për këtë luftë. Vetëm Putinit i duhet kjo luftë”- deklaroi ai.
