Fituesi i ri i “Carabao Cup” me Liverpool-in e tij, Momo Salah është rikthyer të flasë për “Topin e Artë”. Në edicionin e tij të fundit, çmimi i famshëm i dhënë nga “France Football” kurorëzoi Leo Messin për herë të shtatë.
Kampioni argjentinas fitoi përpara Robert Lewandowski (i vlerësuar si sulmuesi më i mirë i vitit 2021) dhe Jorginhos. “Vetëm” vendi i shtatë për kampionin e “Reds”, i cili në një intervistë të fundit dhënë për mediat egjiptiane nuk e fshehu të gjithë zhgënjimin e tij.
Vendimi kishte ndarë edhe tifozët e futbollit, duke ndezur polemika të shumta në rrjetet sociale dhe madje disa teori konspirative. "Isha i tronditur që nuk dola më mirë në votimin e ‘Topit të Artë’, – rrëfeu Salah në TV egjiptian dhe kanalin DMC, – por nuk mund të bëj asgjë.
Askush në botë nuk priste që unë të isha i shtati, por ky është realiteti". Ish-lojtari i Romës dhe Fiorentinës refuzoi të përfshihej në ndonjë ide konspirative, por pranoi se mendonte se disa nga zgjedhjet që bëri ishin të gabuara:
"Unë nuk besoj në teori konspirative, por mund të ketë pasur zgjedhje të pasakta. Ka mjaft vende që nuk janë shumë të njohura për nga kultura e futbollit. Nuk e di se me çfarë kriteresh janë bërë zgjedhjet, por unë nuk besoj në teorinë e konspiracionit. Nuk kam ndjenjën se FIFA ka diçka personale kundër meje, por ky është realiteti me të cilin po përballemi".
