Rumania, Finlanda dhe Irlanda kanë zbatuar sanksionet ndaj Rusisë, në shenjë kundërshtie për nisjen e luftës në Ukrainë.
Këto 3 shtete kanë njoftuar se do të mbyllin hapësirën e tyre ajrore për avionët rusë. Nuk dihet ende se kur do të hyjnë në fuqi masat, ndërkohë që Rusia po përballet gjithnjë e më shumë me izolimin e saj.
Finlanda ndan një kufi prej 1,300 kilometrash (800 milje) me Rusinë – që do të thotë se një rrugë kryesore për në perëndim nga Rusia do të mbyllet.
Vende të tjera si Bullgaria, Republika Çeke, Estonia, Gjermania, Polonia dhe Britania e Madhe kanë marrë tashmë vendime të ngjashme.
Moska, nga ana e saj, ka ndaluar gjithashtu avionët nga disa vende të fluturojnë mbi territorin e saj.
Në ditën e 4 të luftimeve në Ukrainë, rusët pretendojnë se kanë marrë kontrollin në dy qytete, ndërkohë që beteja më e ashpër është duke u zhvilluar në kryeqytetin e vendit Kiev.
Presidenti Zelensky e refuzoi ftesën e rusëve për bisedime në Bjellorusi, Minsk, dhe tha se është i hapur për të rivendosur paqen, me bisedime në shtete të tjera të mundshme./noa.al
