Drejtoria e Shëndetësisë në Prishtinë së bashku me Qendrën Kryesore Familjare kanë vendosur që të hapin edhe një pikë të re të testimit për COVID-19.
Kjo, si shkak i rritjes së kërkesave të shumta nga banorët e kryeqytetit dhe zvogëlimin e pritjeve tek ambulanta te mesa e studentëve.
Qendra e re e testimit është QMF-ja nr.4 në Xhemjal Ibish, e cila ka nisur punën qysh këtë të shtunë nga ora tetë e mëngjesit.
Edhe këtu kërkesa për të bërë teste rapide është e madhe, ndaj edhe ka pritje por jo si më parë.
Qytetarët po e mirëpresin vendimin e komunës për shtimin e kësaj pike.
Drejtuesi i QKMF-së , Bujar Gashi, bëri me dije se nëse kërkesa rritet edhe më shumë për këto testime, potencialisht mund të hapet edhe një qendër tjetër.
I njëjti shtoi se kanë mjaftueshëm teste antigjene./klankosova
