Ambasada e Kosovës në Holandë, përmes një shkrimi në facebook, ka njoftuar se ambasadori i Kosovës i ka dorëzuar kredencialet e tij, tek Mbreti i Holandës.
Në njoftim thuhet se sot, ambasadori i Republikës së Kosovës në Holandë, Dren Doli, ia ka dorëzuar kredencialet e tij, Mbretit të Holandës, Lartmadhërisë së Tij, Willem-Alexander në pallatin Noodeinde.
“Dorëzimi i kredencialeve nga Ambasadori i Republikës së Kosovës, Sh.T.Z. Dren Doli tek Mbreti i Holandës, Lartmadhëria e Tij, Willem-Alexander në pallatin Noordeinde, Hagë 26 janar 2022”, thuhet në njoftim.
