Trajneri i Napolit, Antonio Conte, dëshiron të zëvendësojë Khvicha Kvaratskhelia-n, i cili është duke u larguar, me talentin e Manchester United-it, Alejandro Garnacho, sipas raportimeve më të fundit nga Italia.
Gjatë konferencës për shtyp para ndeshjes të shtunën, trajneri i Napolit konfirmoi se Kvaratskhelia ka dorëzuar një kërkesë transferimi dhe për këtë arsye nuk do të jetë i përfshirë në ndeshjen e së dielës kundër Hellas Veronës.
Kuptohet se Napoli është në bisedime me Paris Saint-Germain për një transferim me një çmim që varion nga 70 deri në 80 milionë euro.
Disa emra tashmë janë lidhur me një kalim te Stadio Maradona për të zëvendësuar fituesin e çmimit MVP të Serie A për vitin 2023, përfshirë italianin Federico Chiesa dhe yllin kosovar, Edon Zhegrova, por raportet e fundit pretendojnë se Conte dëshiron specifikisht Garnacho-n.
Sipas Alfredo Pedullà nga SportItalia, një marrëveshje e mundshme për Garnacho mund t’i kushtojë Napolit rreth 50 milionë euro.
Raportet e fundit në Mbretërinë e Bashkuar tregojnë se Garnacho dhe shoku i tij i skuadrës, Kobbie Mainoo, nuk konsiderohen “të pashitshëm”, dhe se klubi mund të marrë në konsideratë shitjen e cilitdo prej tyre për të ndihmuar në përmbushjen e rregullave të fitimit dhe qëndrueshmërisë
