Presidentja Vjosa Osmani dhe Zotëriu i Parë, Prindon Sadriu kanë marrë pjesë në pritjen zyrtare të organizuar nga presidenti i Shteteve të Bashkuara të Amerikës, Joe Biden dhe Zonja e Parë amerikane, Jill Biden.
“Aleancë që qëndron në themelet e shtetit tonë!” – ka shkruar Osmani krahas fotografisë së përbashkët, duke falënderuar për mikpritjen dhe bashkëbisedimin.
Fotografi të përbashkët me çiftin presidencial ka publikuar edhe kryeministri i Shqipërisë, Edi Rama, i cili e ka quajtur atë “Fotoja e ditës”.
Kryeministri i Shqipërisë, Edi Rama dhe bashkëshortja e tij, Linda Rama me Presidentin e ShBA-ve, Joe Biden dhe Zonjën e Parë, Jill Biden.
Presidentja Osmani po qëndron në ShBA në kuadër të Javës së Nivelit të Lartë të Asamblesë së Përgjithshme të OKB-së.
Atje është edhe kryeministri Albin Kurti.
Të dy po zhvillojnë ndaras takime me liderë shtetesh dhe personalitete të larta botëtore.
