Në derbin më të madh të futbollit anglez, Manchester United dhe Liverpool luajtën 2:2 në “Old Trafford”, në ndeshjen e xhiros së 32-të të Premier Ligës. Diaz (23) kaloi mysafirët në avantazh në mesin e pjesës së parë, kur mbeti i pambrojtur në zonë pas një goditjeje këndi. Bruno Fernandes (50) barazoi pas një gabimi të madh të Quansah.
Ky i fundit e ktheu topin në mesin e fushës dhe ia dha drejt e në këmbë portugezit i cili pa që Kelleher nuk ishte në portën e tij dhe goditi rrjetën nga më shumë se 40 metra. United kaloi në epërsi me një gjuajtje fenomenale nga i riu Mainoo (67) në mesin e pjesës së dytë, dhe Salah (84 nga penalltia) shënoi për 2:2, pasi gjyqtari gjykoi se Wan-Bissaka ndaloi Elliott me një faull në zonën e penalltisë. Me këtë pikë Liverpool në vendin e dytë barazohet me Arsenalin kryesues - 71 pikë, një më shumë se Manchester City në vendin e tretë. United është i gjashti me 49 pikë, një më shumë se West Ham United në vendin e shtatë.
