Aktori i famshëm, Cole Brings Plenty, i serialit amerikan “1923” i cili u zhduk fundjavën e kaluar, u gjet i vdekur të premten në një zonë pyjore në Kansas. Lajmi i trishtë u konfirmua nga policia dhe familja e Plenty.
Ylli televiziv 27-vjeçar, u pa për herë të fundit në orët e hershme të mëngjesit të 31 Marsit, duke u larguar nga zona e Lawrence, Kansas, me një Ford Explorer të bardhë.
Sipas medieve të huaja, Cole Brings Plenty dyshohej nga policia se ishte përfshirë në një mosmarrëveshje të dhunës në familje, sipas një postimi në Facebook nga Departamenti i Policisë Lawrence në Kansas.
Trupi i Brings Plenty u gjet dhe u identifikua “në një zonë të pyllëzuar larg automjetit”, tha policia.
“Jam thellësisht i pikëlluar të konfirmoj se djali im, Cole, është gjetur i vdekur dhe nuk është më me ne,” tha babai i tij, Joe Brings Plenty Sr., dhe familja në një deklaratë.
Aktori ka luajtur edhe në serialet televizive “Into the Wild Frontier” dhe “The Tall Tales of Jim Bridger”, sipas faqes së tij në IMDb.
