Në Qeverinë e Maqedonisë së Veriut sot u mbajt seanca inauguruese e Këshillit për koordinimin e aktiviteteve lidhur me anëtarësimin e Maqedonisë së Veriut në NATO.
Seancën inauguruese e hapi dhe u drejtua nga kryeministri Talat Xhaferi. Në fjalën e tij ai theksoi se ky Këshill sot e konfirmon përkushtimin për sigurinë përmes unitetit dhe lidhjes së fortë me NATO-n dhe Mbretërinë e Bashkuar.
Kryeministri Talat Xhaferi me këtë rast tha se ky këshill do të ndihmojë në qasjen e institucioneve kur bëhet fjalë për sigurinë në punën e Aleancës Veri-Atlantike.
Ndërsa, Matthew Lawson, ambasador i Britanisë, tha se NATO është aleanca më e suksesshme e mbrojtjes në histori dhe ajo luan një rol të madh të sigurisë për rajonin.
Një fjalë rasti mbajti edhe ministri i Jashtëm, Bujar Osmani, tha se për këta katër vjet të anëtarësimit, Maqedonia e Veriut është partner kredibil i NATO-s. AI gjithashtu foli edhe për rreziqet e sigurisë dhe ndikimin rus në Ballkan, përfshirë edhe Maqedoninë e Veriut.
