Detaje të reja janë zbuluar lidhur me ngjarjen tronditëse që ndodhi ditën e djeshme në Gjermani, ku një 44-vjeçar me prejardhje kosovare dyshohet së është vrau dy fëmijët e tij, plagosi gruan dhe më pas u vetëvra, përcjellë Gazeta Metro.
Nga kjo tragjedi ka mbijetuar vetëm nëna – e plagosur rëndë e cila ndodhet në spital, por e cila ndodhet jashtë rrezikut për jetë. Sipas mediumit gjerman Bild.de, tashmë dihet se në familjen shqiptare ka pasur shpesh debate.
Mësohet se kryefamiljari ka qenë gjaknxehtë sipas fqinjëve, dhe se në të kaluarën ai ka kërcënuar edhe të afërmit të cilët e kanë denoncuar në polici.
Sipas zyrës së mirëqenies për të rinjtë, djemtë e tij gjithashtu e kishin thirrur policinë në mars të vitit 2020 në një debat të ashpër mes prindërve të tyre. Sabine Schmidt nga kjo zyrë ka thënë: “Si rezultat, më 24 mars 2020 morëm një raport nga policia për dhunën në familje në familje”.
Schmidt tregon: “Kur marrim një mesazh të tillë, ne flasim me të gjithë të përfshirët. Prindërit ishin shumë të kuptueshëm. Nuk kishim asnjë dëshmi se prindërit kishin probleme psikologjike. Ne gjithashtu nuk gjetëm asnjë tregues për ndonjë rrezik për mirëqenien e fëmijës”.
Sipas ‘Bild’ 44-vjeçari nuk ishte një njeri i qetë pasi më parë ka kërcënuar edhe të afërm të tij, të cilët kanë denoncuar në polici.
Gjithashtu edhe fqinjët e tij, 44 vjeçarin që po dyshohet që ka kryer krim të rëndë, e kanë e ka cilësuar si person gjaknxehtë dhe që shpesh ka pasur biseda familjare të ashpra./gazetametro.net
