Mbrëmjen e djeshme, Einxhel Shkira u bë pjesë e “Big Brother VIP3”, në rolin e opinionistes pasi mungonte Arbër Hajdari. Ajo u prit mjaft mirë nga publiku, e madje shumë personazhe të njohur të ekranit e komplimentuan për komentet që ajo bëri ndaj banorëve.
Kujtojmë që Einxhel ka qenë banore e edicionit të parë të reality show-t, ku shkoi deri në finale së bashku me mikeshën e saj, Beniada Nishanin.
Në dukje vajzat kishin krijuar një shoqëri shumë të mirë së bashku në shtëpinë më të famshme në Shqipëri, por kur dolën nga aty shoqëria e tyre u kris.
Shoqëria e tyre u prish pasi Einxhel mësoi që kur ajo kishte qenë brenda shtëpisë së BBV, mamaja e Beniadës kishte folur keq për të. Por pas disa kohësh vajzat i kanë sqaruar të gjitha hatërmbetjet e tyre, pasi e nënkuptuan që ‘problemi’ i vetëm i tyre kishte qenë mamaja e modeles së njohur.
Ato madje edhe janë takuar disa herë e madje Beniada ka postuar dhe me të voglin e Einxhel, Trevin.
Ndërkohë mbrëmjen e djeshme, Beniada ka postuar një pjesë nga biseda e saj me mamanë ku duket që asaj i ka pëlqyer Einxhel në rolin e opinionistes.
Mami i Beniadës shkruan: “Bravo Einxhel”.
Modelja e ka postuar në “Instastyr” dhe ka shkruar: “Edhe mami Linda të do shumë Einxhel”.
