Në botën që jetojmë ne i marrim si të mirëqena aeroportet dhe udhëtimet me avion sa herë të duam! Por, duket se ekzistojnë në Europë pesë vende, që nuk kanë fare aeroporte. Vende të vogla, hapësira të kufizuara apo qytete të ndërtuara në shpatin e një mali…Arsyet mund të jenë të ndryshme.

Andorra

E vendosur mes Francës dhe Spanjës në malet e Pirenejve, Andorra është një mikroshtet i vogël, pa dalje në det, i famshëm për resortet e skive. Aeroportet kryesore më të afërta ndodhen në Francë (Tuluz) dhe Spanjë (Barcelonë).

 

Monako

Principata e Monakos, një qytet-shtet sovran dhe vendi i dytë më i vogël në botë, që është pjesë e rivierës franceze e njohur për kazinotë magjepsëse, por jo për aeroportet. Aeroporti më i afërt kryesor është ai i Nice Côte d’Azur në Francë.

San Marino

I pozicionuar në verilindje të Italisë, San Marino është vendi i pestë më i vogël në botë. Ai gjendet në shpatin e malit Titano dhe është vetëm 13 km i gjatë. San Marino është pjesë e listës Trashëgimisë Botërore të UNESCO-s. Aeroporti më i afërt është ai ndërkombëtar Federico Fellini në Rimini, Itali.

Vatikani

Njihet ndryshe si vendi më i vogël në botë. Vetëm 44 hektarë, do të ishte e vështirë të imagjinohej një aeroport në këtë vend. Shteti i pavarur brenda shtetit të Romës nuk ka një aeroport, por më i afërti është ai Leonardo da Vinci në Fiumicino të Romës.

Lihtenshtajni

Vendi i katërt më i vogël i Europës është Lihtenshtajni ku flitet gjermanisht dhe është i pozicionuar midis alpeve të Austrisë dhe Zvicrës. Ky shtet është ndër më pak të vizituarit në Europë, por një nga cepat e botës ku mund të arratisesh nëse do qetësi absolute. Aeroportet kryesore më të afërta janë në Zvicër (aeroporti i Zyrihut) dhe Austria (aeroporti St. Gallen-Altenrhein).